Årsmøtet i
2004 vart halde på Bø vidaregåande skule 24. februar. Eiliv Astad blei takka for innsatsen i 15 år
som leiar. Årsmøtet valde Torhild
Aavik til ny leiar. Nils-Ivar Agøy heldt foredrag om Tolkien og hans
forfattarskap.
Styret har
vori samansett slik:
Nestleiar: Kari Rast Monge
Skrivar: Ingrid
Sønstebø Kåsa
Kasserar: Dag
Hallvard Østtveit
Skule/barnehage:
Halvard Jansen
Styret har
hatt 9 styremøte i arbeidsåret og handsama 54 saker. Me har valt å ha styremøta i heimane.
Viktige saker
som er handsama:
Ø Kulturkveld etter årsmøtet i Telemark
Mållag 13. mars. Styret blei kasta inn i dette arbeidet
kort etter eige årsmøte. Ole M Høystad
snakka om ”Våre historiske hjarterøter i arabisk og europeisk kultur”. Ingebjørg Bø las frå hovudoppgåva si og me
hadde fleire ungdommelege musikalske innslag.
Kjell Bitustøyl fekk målprisen til Telemark Mållag.
Ø Målblomen. Styret har sett i gang utdeling av Målblom til
bedrifter eller einskilpersonar som har teke nynorsken i bruk skriftleg eller
munnleg. Det skal vera ein
oppmuntringspris, eit positivt løft for nynorsken. Bø Blad (juni), Moland Bakeriutsal (oktober)
og Bø Apotek (februar) har fått prisen saman med eit klistremerke, ei rose, og
heiderleg omtale i Bø Blad.
Ø Kakebasar 5. juni. Laget var i år på Bøsenteret og Rema 1000. Det kom inn mange vinstar og det gav eit godt
resultat.
Ø Are Kalvø på Vertshuset 20.
september. Arrangementet var eit samarbeid mellom Telemark
Mållag, Norsk Målungdom (NMU) og Bø Mållag.
Målsetjinga var å verve medlemer særleg frå høgskulen til NMU. Det blei 18 innmeldingar og fullt hus.
Ø Joleheftesal.
Styret valde også i år å tilby ungdomsskuleelevar å selje
jolehefte. I tillegg selde me på
julemessa til Bø Museum.
Ø Medlemsverving i Eikjabygda i
desember. Styret har laga ein vervebrosjyre retta mot denne
delen av bygda, hatt vitjing av Ingar Arnøy frå Norges Mållag på eit
planleggingsmøte og satt i gang ein vervekampanje gjennom Bø Blad. Diverre har det ikkje resultert i nye
medlemer så langt.
Bø Mållag hadde ved årsskiftet 66
medlemer.
Styret for Bø Mållag, januar 2005
Torhild Aavik
leiar