Årsmøtet i
2005 vart halde 17. februar på Kafé Anno. Årsmøtet valde Torhild Aavik
til ny leiar. Det var 12 medlemer med røysterett på årsmøtet. Ingar Arnøy
frå Noregs Mållag snakka om ”Nynorsk for dei små og nynorsk for dei nye”.
Styret har
vori samansett slik:
Skrivar: Ingrid
Sønstebø Kåsa (eitt styremøte)
Skrivar: Anna-Elise
Smedstad
Kasserar: Dag
Hallvard Østtveit
Styremedlem: Bjørg
Breivik
Styret har
hatt 8 styremøte i arbeidsåret og handsama 57 saker. Me har valt å ha styremøta
i heimane. Torhild Aavik og Anna-Elise Smedstad møtte for laget på årsmøtet til
Telemark Mållag. Bø Mållag hadde ved årsskiftet 68 medlemer.
Viktige saker
som er handsama:
Ø Mediekampanjen ”Slepp nynorsken til!
Opphev forbodet mot nynorsk i Dagbladet og VG”. Laget hadde underskriftslister på biblioteket og
høgskulen. Under Telemarksfestivalen (laurdag 23.7.), hadde laget stand og fekk
50 underskrifter. Til saman kom det inn 200 underskrifter frå Bø og 36000 på
landsbasis.
Ø Målblomen er vidareført. Bø brudesalong fekk målblomen i juni
for bruk av nynorsk i marknadsføringa. Maurtuva familiebarnehage fekk målblom
fordi dei tilsette bevisst brukar bømål og for å bruke mykje skriftleg nynorsk.
Bygdabilly Band fekk prisen i februar for dialektbruk i sangtekstar og ei god
heimeside med ordboka: ”Bø-mål te By-mål”.
Ø Kakebasar 2.4.2005. Laget var i år på Bøsenteret og Rema
1000. Det kom inn mange vinstar og det gav eit godt resultat.
Ø Heimesida til Bø Mållag. Styret har arbeida med å fornye
heimesida. Ho skal oppdaterast fleire gonger i året, ha faste og aktuelle
spalter og mange peikarar.
Sjå internett www. nynorsk.no/ml/bo.
Ø Utdeling av CD. Alle barnehagane har fått CD med
julesongar på nynorsk av barnekora i kyrkjelyden
Ø Norsk Barneblad til 5.klasse. Bø sparebank har støtta utdelinga på
skulane med over halve kostnaden.
Ø Nynorskbruken på distriktshøgskulen. Bø Mållag har sendt lesarinnlegg til Bø
Blad, Varden og TA og skrive brev til dekanus ved avdelinga i Bø.
Ø Vegnamn. Styret sende inn lesarinnlegg i TA, Varden og Bø
Blad med oveskrifta: ”Heiter det veg eller vei i Bø?”.
Ø Joleheftesal. Styret valde også i år å tilby
ungdomsskuleelevar å selje jolehefte. I tillegg selde me på julemessa til Bø
Museum.
Ø Medlemsverving i november. Styret utarbeida ei liste på 270
aktuelle namn i bygda og fekk Noregs Mållag til å skrive eit vervebrev med
giro. Me fekk 2 nye medlemer.
Ø Vedtekter for Bø Mållag. Styret har ikkje funne protokollar
eldre enn 20 år og kan heller ikkje finne vedtektene. Styret har utarbeida eit
framlegg til nye vedtekter.
Ø Norsk Målungdom la vinterleiren sin til Vatnar
20. – 22. januar 2006. Asgeir Sele hadde eit kåseri om historia til Bømålet og
dagsaktuelle tankar.
Styret for Bø Mållag, januar 2006